Hitman 2: Silent Assassin, Review

თამაშის < ანონსი < რელიზი < გამოცდილება < მიმოხილვა < სპეც
User avatar
grigoli1970
Posts: 844

Hitman 2: Silent Assassin

Unread post#1 » 20 Mar 2010 23:10

>>>

Hitman 2: Silent Assassin

  • დასახელება: Hitman 2: Silent Assassin
  • დეველოპერი: IO Interactive
  • გამომცემელი: Eidos Interactive
  • გამოშვების წელი: 2002 წლის 1 ოქტომბერი
  • პლატფორმა: Microsoft Windows (Vista-ს გარდა), PlayStation 2, Xbox, Nintendo GameCube
  • ჟანრი: stealth-action,Shooter
  • რეჟიმები: ერთი მოთამაშე
  • მართვა: PC: კლავიატურა და მაუსი, PS2, Xbox, Nintendo GameCube:ჯოისტიკი
Hitman 2: Silent Assassin არის მეორე ნაწილი თამაშების სერიაში Hitman. ეს თამაში დაამუშავა დანიურმა კომპანიამ IO Interactive და გამოუშვა კომპანიამ Eidos Interactive.

თამაშის ახალი შესაძლებლობები
Silent Assassin-ში გამოსწორდა უამრავი შეცდომა და მინუსი რომელიც თამაშის პირველ ნაწილს ჰქონდა, თამაშში დამატებულია ხედი პირველი პირიდან და ეგრედწოდებული "ეჭვის მაჩვენებელი", რომელიც გიჩვენებთ თუ რამდენად იპყრობთ სხვების ყურადღებას. ამგვარი სისტემა ძალიან ეხმარება სტელსის შემადგენელს და თამაშს ამ კუთხით გაცილებით დახვეწილს ხდის. თამაშში ასევე არის დამატებული შეფასების სისტემა, ანუ ყოველი შესრულებული მისიის შემდეგ მოთამაშე იქედან გამომდინარე, თუ რამდენად ხარისხიანად შეასრულა მისია იღებს ეგრედ წოდებულ რანკებს. თუ მას მიენიჭა შეფასება «Mass Murderer», ეს იმას ნიშნავს, რომ იგი ყველაფერს სხვების დასანახად აკეთებდა და კლავდა ყველას ვინც გადაეღობებოდა, ხოლო შეფასება «Silent Assassin» ნიშნავს იმას, რომ 47-მა ყველაფერი ისე გააკეთა, რომ უხილავი დარჩა მტისთვის.
თამაშის ამ სერიაში მოთამაშე თვითონ მოიპოვებს ახალ იარაღებს მისიების შესრულების დროს,რომელი იარაღითაც გავა მისიას ის იარაღი მის ფარდულში ჩნდება და მას ეძლევა იარაღის უფრო ფართო არჩევანი. ფარდულში განლაგებული იარაღების რაოდენობა და ხარისხი, ზემოთ ნახსენებ რანკებზეც არის დამოკიდებული, «Silent Assassin» ყოველთვის ყველაზე თანამედროვე და იშვიათი ეგზემპლიარის იარაღები ეხსნება.

შინაარსი
თამაშის სიუჟეტი ვითარდება Hitman: Codename 47-ში მომხდარი მოვლეების შემდეგ, 47-ი უარს ამბობს მკვლელის სამსახურზე და ცდილობს მოინანიოს ცოდვები, ის ცხოვრობს და მუშაობს მონასტერში, რომლის გამგებელი მღვდელი ვიტორიოა. მაგრამ მისი ცხოვრება ისევ თავდაყირა დგება. მაფია იტაცებს ვიტორიოს. სასოწარკვეთილი 47-ი ისევ უკავშირდება სააგენტოს, რომელშიც ადრე მკვლელად მუშაობდა, იმისათვის, რომ თხოვოს მათ ვიტორიოს მოძებნაში და დაბრუნებაში დახმარება. სააგენტო ამაზე დადებით პასუხს იძლევა, იმის სანაცვლოდ, რომ 47-ი შეასრულებს მათ რამდენიმე შეკვეთას. 47 თანხმდება ამ შეთავაზებას. სააგენტო თავისი გადამცემების საშუალებით გაიგებს ვიტორიოს ადგილსამყოფელს, ის იმყოფება მდიდრულ სახლში, რომელიც მაფიოზ ჯუზეპე ჯულიანს ეკუთვნის. 47-ი ახერხებს სახლში შეღწევას, იმისათვის, რომ გაანთავისუფლოს ვიტორიო, გზაში ის კლავს ჯულიანს. მიუხედავად ყველა მცდელობისა, 47-ი ვიტორიოს ვერ ანთავისუფლებს, ის რუსებს მიჰყავთ თან. ამის შემდეგ 47-ს სააგენტოს დავალებების შესრულება უწევს იმისათვის,რომ მოახერხოს ვიტორიოს ადგილსამყოფელის დადგენა:

>>>


დავალება 1: ” სანკტ-პეტერბურგი მეთვალყურეობის ქვეშ” (სანკტ-პეტერბურგი)
ახლა სააგენტოსთან დადებული შეთანხმების გამო 47-ს უწევს მათი შეკვეთების შესრულება. 47-მა უნდა მოკლას კაგებეს ყოფილი გენერალი, რომელიც უნდა დაესწროს შეხვედრას, სადაც მისი მოკვლა ადვილი იქნება, მოთამაშეს ამის გაკეთება სხვადასხვა გზით შეუძლია, მათ შორის ბომბის გენერალის მანქანაში დამონტაჟებით.

დავალება 2: ”შეხვედრა კიროვის პარკში” (სანკტ-პეტერბურგი)
პირველი გენერალის მკვლელობის შემდეგ სხვა გენერლები ძალიან შეშინდნენ და დაიწყეს გამოძიება. სააგენტოს კი უნდა, რომ ისნი ყველა წარსულს ჩაბარდნენ. გენერალი მაკაროვი და ცნობილი კრიმინალური ავტორიტეტი იგორ კუბასკო ხვდებიან ერთმანეთს კიროვის პარკში იმისათვის, რომ განიხილონ დარჩენილი გენერლების უსაბრთხოების საკითხი. 47-მა ორივე უნდა დახოცოს. როგორც ყველა მისია, ამ მისიის შესრულებაც რამდენიმე გზით შეიძლება.

დავალება 3:” მკვლელი გვირაბში” (სანკტ-პეტერბურგი)
კაგებეს მესამე ყოფილი გენერალი მიხაელ ბარდაჩენკო გენერლების მკვლელობის საკითხზე დაკითხვას უწყობს პატიმარს საბრძოლო შტაბში. 47-მა უნდა შეაღწიოს შენობაში, მოკლას ბარდაჩენკო, უშველოს პატიმარს (რომელიც აღმოჩნდება ცეერუს აგენტი სმიტი, რომელიც იყო 47-ის ძველი ნაცნობი წინა თამაშში) და გაიქცეს კანალიზაციის გვირაბის საშუალებით.

დავალება 4: ”მოწვევა წვეულებაზე” (სანკტ-პეტერბურგი)
ბოლო ცოცხალი გენერალი არის გენერალი ვლადიმერ ჟუპაკოვი, რომელმაც გადაწყვიტა რუსეთიდან გაქცევა და ამის გამო ის იმყოფება გერმანიის საკონსულოში. სააგენტო 47-ს საკონსულოში გზავნის გენერალის მოკვლის დავალებით და ასევე მას ევალება მოიპაროს ჩემოდანი რომელშიც არის რაკეტების სამართავი სისტემა. ამავე მიზნით საკონსულოში არის გაგზავნილი სპეცნაზის აგენტიც.

>>>


დავალება 5:”ჰაიამოტოს კვალის მიგნება” (ტაცუნო,იაპონია)
იმისათვის, რომ 47-მა იპოვოს მასაჰირო ჰაიამოტო, რომელიც არის იაპონელი ნინძების ლიდერი, მან უნდა მოკლას მისი შვილი მასაჰირო-უმცროსი და დამალოს მის გვამში ჯიპიეს-გადამცემი, რომლითაც მისი მამის ჰაიამოტო-უფროსის ადგილსამყოფელს დაადგენს.

დავალება 6: ”დამალული ხეობა/კარებთან/მმართველის სიკვდილი”
ამ სამი მისიის განმავლობაში 47-ი მიაღწევს ჰაიამოტომდე და მოკლავს მას. 47-მა უნდა გამორთოს ენერგოსისტემა ისე რომ დაცვამ ვერ დაინახოს, ამის საშუალებით იგი გააღებს საკეტს რომლითაც ჰაიამოტოს სასახლეა დაცული. შენობაში შესულმა 47-მა უნდა მოიპაროს მეორე სარაკეტო მართვის სისტემა, მოკლას ჰაიამოტო და გაიქცეს. მან ასევე უნდა გაანთავისუფლოს მეი ლინი რომელსაც 47-ი პირველი ნაწილიდან იცნობს.

დავალება 7:”მკვლელობა სარდაფში” (კუალა-ლუმპური)
სააგენტოს უნდა, რომ 47 გაემგზავროს მალაიზიაში და მოიპაროს პროგრამული უზრუნველყოფა სარაკეტო სისტემის დაცვისთვის, რომელსაც ყიდის ჰაკერი ჩარლი სიჯანი. 47-ი აღწევს ცათამბრჯენის სარდაფში რომელიც მდებარეობდა კუალა-ლუმპურში, კლავს ჩარლის, შემდეგ კი იგებს, რომ ის მხოლოდ ჰაკერის ტყუპი ძმა იყო და ამიტომ იგი რთავს ლიფტების დაცვის სისტემას ერთ-ერთი ცათამბრჟენის სახურავზე აღწევის მიზნით.

დავალება 8 : ”ღამის ცვლა/დავალება ჯაკუზში”(კუალა-ლუმპური)
იმის საშუალებით, რომ 47-მა გამორთო ლიფტების დაცვის სისტემა, მან მიიღო უფლება საკონტროლო ოთახში შესვლისა სადაც მან გატეხა კომპიუტერული სისტემა და მიიღო საჭირო ინფორმაცია, შემდეგ 47-ი გარბის ხიდის საშუალებით, ის გადაძვრა მეორე ცათამბრჯენზე, აქ 47-ს გაახსენდა, რომ ჩარლი სიჯანი ცოცხალია და მან მისი ძმა მოკლა. ნამდვილი ჩარლი ჯაკუზში გოგოებთან ერთად პენტჰაუსში ერთობა. 47-მა მოკლა იგი და მოპარა რამდენიმე ძვირფასი ნივთი იმისათვის, რომ ყველაფერი ჩვეულებრივ ძარცვას დამსგავსებოდა.

დავალება 9: ”მკვლელობა ბაზრობაზე” (შაშსადკოტი,ავღანისტანი)
47-ს გზავნიან ავღანისტანში, იმისათვის, რომ თვალ-ყური ადევნოს ტვირთს (რომელიც სასროლი ბომბები აღმოჩნდება). მისი დავალებაა, წაართვას რუკა ლეიტენანტ აჰმედ ზაჰირს და გასაღები პოლკოვნიკ მუჰამედ ამინს, ამასთან ერთად მან ორივე უნდა მოკლას.

დავალება 10: ”უპირატესობის მოპოვება”(შაშსადკოტი, ავღანისტანი)
ადამიანი, რომელიც მალავს ტვირთს, ჰად-აბდულ-ბისმილა ООН-ის წევრებთან ერთად მიდის ტვირთთან, მათ უნდა შეამოწმონ ტვირთის ხარისხი. 47 კლავს მას ერთი ზუსტი გასროლით და გარბის.

დავალება 11:”გვირაბის ვირთხა” (შაშსადკოტი, ავღანისტანი)
ტვირთის ადგილსამყოფელი 47-სთვის ცნობილია, ის შეაღწევს მიწისქვეშა ბაზაში, მოკლავს ლეიტენანტ იუსეფ ჰუსეინს და გაიქცევა ტვირთთან ერთად.

>>>


დავალება 12:”ტერაქტი წმინდა ქალაქში” (არმისტარი, ინდოეთი)
ტვირთი გაიტაცეს რუსებმა აგენტის საშუალებით, რომელიც ძალიან ჰგავს 47-ს, 47-მა უნდა დააბრუნოს ტვირთი უკან. ის ხვდება სმიტს რომელიც მას ამცნობებს ორი მკვლელის შესახებ, რომლებიც გამოგზავნეს მის მოსაკლავად. 47 კლავს ორივე მკვლელს და დასტურად მათი გვამების სურათები მიაქვს სმიტთან, სმიტი კი ამის სანაცვლოდ მას ახლოს მდებარე საავადმყოფოში შესვლის გზას ასწავლის.

დავალება 13: ”ანელორის სიკვდილი” (არმისტარი, ინდოეთი)
სანამ 47 გაუსწორდება ადამიანებს, რომლებმაც ტვირთი მოიპარეს, იგი კლავს ექიმ ანელორ ფონ კამპრადს (პირველი შემთხვევა, როდესაც 47-ს ქალის მოკვლას ავალებენ) და მალავს მის გვამს.

დავალება 14:”გადამწყვეტი შეხვედრა” (არმისტარი, ინდოეთი)
იმ ადამიანების მმართველი რომლებმაც ტვირთი გაიტაცეს იმყოფება ნარკოზის ქვეშ, ჰოსპიტალის ცენტრში რომელიც კუნძულზე იმყოფება. 47 პოულობს მას და კლავს, შემდეგ კი გარბის კუნძულიდან. მისიის ბოლოს ის ხვდება მის მსგავს კლონს, რომელიც ესვრის მას და თვალს ეფარება.

დავალება 15: ”სანკტ-პეტერბურგში დაბრუნება” (სანკტ-პეტერბურგი)
ბოლოს და ბოლოს 47 მიხვდება, რომ მთელი ეს დრო მუშაობდა სერგეი ზავაროტკოსთვის, რომელიც არის რუსული მაფიის ლიდერი, მან გამოიყენა 47 იმისთვის, რომ მოეკლა ყველა ვინც იცოდა რაკეტული სისტემის შესახებ, სწორედ მან გაიტაცა ვიტორიო, რადგან იცოდა როგორ მოიქცეოდა 47. 47 ბრუნდება სანკტ-პეტერბურგში, რომ მოკლას ზავაროტკო, მაგრამ მალე ხვდება, რომ სააგენტომ მას უვარგისი ტყვიები გამოატანა სნაიპერული შაშხანისთვის, ხოლო ზავაროტკო რომელიც მისი აზრით იქ იმყოფებოდა მხოლოდ ფიტული იყო. 47 იძულებულია ჩაერთოს ბრძოლაში აგენტ 17-თან რომელიც მასზე განვითარებულია. 47 კლავს აგენტ 17-ს და მიდის ქალაქიდან მეტროს საშუალებით.

დავალება 16: ”აღსარება განტრანოში” (კარინი,იტალია)
ზავაროტკო ბრუნდება განტრანოს მონასტერში მღვდელ ვიტორიოსტან ერთად, საიდანაც მან ის გაიტაცა თამაშის დასაწყისში. 47 გადაწყვეტს რადაც არ უნდა დაუჯდეს გაანთავისუფლოს ვიტორიო, ის იღებს იარაღს და კლავს ყველა ზავაროტკოს მოკავშირეს. შემდეგ შედის ტაძარში და კლავს თვითონ ზავაროტკოს, ამით მან ვიტორიო გადაარჩინა. მამა ვიტორიო ჩუქნის 47-ს ჯვარს და თხოვს იაროს სწორი გზით და იპოვოს ცხოვრებაში სიმშვიდე. 47 პირდება რომ ასე მოიქცევა და ტოვებს ვიტორიოს. ის ტოვებს ნაჩუქარ ჯვარს ტაძარში, თვითოონ კი მიდის შორს, იმაზე ლაპარაკით, რომ არ დაივიწყებს იმას, ვინც მას უღალატა, ისევე როგორც იმას ვინც მასთან იყო ბოლომდე, ასევე მისი აზრით არავის არ უნდა ენდო. ამის შემდეგ ის მოიქცევა იმ წესების თანახმად რომლების სისწორეში ის ცხოვრებამ დაარწმუნა.

>>>
smothered in the crib

User avatar
Blankbanshee666
Posts: 183

Re: Hitman 2: Silent Assassin

Unread post#2 » 25 Feb 2016 17:17

გეიმკუბზე მაქვს ეს ^^ როცა დავხურავ დავწერ საკაიფო სტატიას

Return to “Products”



Who is online

Users browsing this forum: No registered users and 41 guests


cron