Silent Hill 2, Review

თამაშის < ანონსი < რელიზი < გამოცდილება < მიმოხილვა < სპეც
User avatar
Spawn
Posts: 157

Silent Hill 2

Unread post#1 » 15 Jul 2009 15:09

>>>
Silent Hill 2

  • ჟანრი: Survival horror/Psychological horror
  • დეველოპერი: TeamSilent
  • გამომცემელი: Konami
  • გამოსვლის თარიღი: 2002 ოქტომბერი
  • თამაშის ოფიციალური საიტი: silenthill2.de/auswahl.html
  • მინიმალური სისტემური მოთხოვნილებები: CPU 600 MHz, 128 MB, 32 Mb Video
  • რეკომენდირებული სისტემური მოთხოვნილებები: CPU 1.4 GHz, 256 Mb, 64 Mb Video
- ბურუსით მოცული წარსული

>>>

პატარა ქალაქ საილენთ ჰილის ისტორია დაიწყო 1999 წელს. სწორედ მაშინ, მოძველებულმა PlayStation-მა იხილა ერთ-ერთი საუკეთესო თამაში. ეს თამაში საოცრად პოპულარული გახდა მოთამაშეებს შორის, შემდგომ კი ჟანრის კლასიკად იქცა და შევიდა SONY-ს თამაშების პლატინის სერიაში. მეორე ნაწილმა კი სულაც დაიდგა საკულტო შარავანდედი.
სინამდვილეში პირველი Silent Hill არც ისეთი ბანალური და ჩვეულებრივი იყო, როგორც თავიდან პრესამ გვაცნობა. უჩვეულო სიუჟეტი, უნიკალური ატმოსფერო და სამყარო, მოქმედების განვითარების მრავალი ვარიანტი...ეს ყველაფერი აიძულებდა მოთამაშეებს შეყვარებოდათ თამაში - თუმცა პირველ წუთებში ეს ყველაფერი დამალული იყო Resident Evil-ის კლასიკური gameplay-თი და ტრივიალური თავასტეხებით.

>>>

Silent Hill 2-ს კი სრულიად განსხვავებულად შეხვდნენ. ყურადღების დონით, ბიუჯეტით და პიარით ის მხოლოდ ისევ Konami-ს პროდუქტს, გაუპარსავი Solid Snake-ის, ახალ თავგადასავლებს თუ ჩამოუვრდებოდა. კომპანიის ტოკიოს განყოფილების თამაშის შემქმნელების გუნდს გამოუყვეს ცალკე ქვეგანყოფილება TeamSilent და ყველაფრით უზრუნველყვეს, რაზე ოცნებაც საერთოდ შეიძლებოდა..ორი წლის განმავლობაში 50 ადამიანი მუშაობდა ამ პროექტზე. 2001 წლის სექტემბერში თამაში უკვე იაპონიისა და აშშ-ს დახლებზე ეწყო - და მაშინვე იქცა ახალთახალი PlayStation 2-ის ერთ-ერთ ყველაზე ხმაურიან პროექტად. თუ პირველ Silent Hill-ს საკულტო თამაშად გაუბედავად მოიხსენიებდნენ, მეორეს ამ სტატუსს უკვე ვერავინ ეცილებოდა. კონსოლის ბედნიერი მფლობელები მეგობრებს უყვებოდნენ და აშინებდნენ,თუ როგორ ათენებდნენ ღამეებს, როგორ უკანკალებდათ ხელები და ა.შ. Konami -იმ სწრაფად გააცნობიერა წარმატების მასშტაბი და ევროპაში გამოუშვა თამაშის "სპეციალური რედაქცია" - ფანტასტიურად გაფორმებული ყუთითა და დამატებითი DVD დისკით, სადაც ნაჩვენები იყო, თუ როგორ იქმნებოდა თამაში, ასევე შესაგროვებელი სტიკერებით. აგრეთვე, ყველაზე ერთგული ფანებისთვის გამოუშვეს ქურთუკები, მაიკები და სხვა სუვენირები.


>>>

Silent Hill 2-ის პერსონაჟებს მაღალი დეტალიზაციის გარდა ფლობენ
არაჩვეულებრივ მიმიკას და აქვთ თითქმის რეალური თმები.

Silent Hill 2 გაცდა ერთი პლათფორმის საზღვრებს და 2002 წელს გამოვიდა მეორე კონსოლისთვის Xbox. მასში იყო დამატებითი სცენარი "Restless Dreams", რომელიც შემდეგ გამოვიდა PC-სთვის და PlayStation2-სთვის.

-სხვა ისტორია
თუ მკითხავთ, ორიგინალურია თუ არა Silent Hill 2, დაუფიქრებლად და მოკლედ გიპასუხებთ - დიახ, ნამდვილად. მაგრამ მაშინვე დავამატებ: გააჩნია როგორ ორიგინალურობაზეა საუბარი. თუ თამაშის პროცესის "მექანიკას" გულისხმობთ, მაშინ -კი ზემოთთქმული თამაშის პირველი ნაწილის შესახებ, ხოლო თუ დანარჩენს... აქ უკვე უფრო შესაფერისი სიტყვაა "უნიკალური". დიახ, გარესამყაროსთან ურთიერთობის პროცესი, მართვა და ამგვარი ატრიბუტები შესრულებულია კლასიკურ survival horror-ის ჟანრში და წყლის ორი წვეთივით ჰგავს Resident Evil-ს. მაგრამ სწორედ ამ თამაშის მსგავსი თამაშის მოყვარულები ვერ იპოვიან Silent Hill 2-ში სულის ბალზამს. ყველა ეს მონსტრი, თავსატეხები და ჩაკეტილი კარები - მხოლოდ ფორმაა, რომლებშიც ავტორებმა ჩააქსოვეს უჩვეულო სამყარო, ატმოსფერო და სიუჟეტი. ასევე გამოიყენეს დეკორაციად საკმაოდ ჩახლართული სასიყვარულო ისტორიისთვის...
სამი წლის წინ ჯეიმს სანდერლენდმა დაკარგა ცოლი. ეს ტრაგედია მან მშვიდად ვერ გადაიტანა და მისთვის სიცოცხლის ყველა დღე სულ უფრო მძიმე იყო. ერთხელ, საფოსტო ყუთში მან იპოვა წერილი "Mary"-სგან - ასე ერქვა მის მეუღლეს. გაკრულად დაწერილი რამდენიმე სტრიქონი საკმარისი აღმოჩნდა, რომ ადგილიდან წამომხტარიყო . წერილში ეწერა, რომ საყვარელი მეუღლე ელოდებოდა ქალაქ Silent Hill-ში - მათთვის ნაცნობ განსაკუთრებულ ადგილზე. და აი, ჯეიმსი გაემგზავრა ნისლიან მდუმარე ქალაქში..
Silent Hill 2-ის სიუჟეტი გამჭირვალე და ამავედროს თითქოს ავტორის ჩანაფიქრის აბლაბუდაშია გახვეული. ის სავსეა წინააღმდეგობებით, გამოცანებით და იდუმალებით. ყოველთვის არის პასუხი კითხვაზე "რა?", მაგრამ იშვიათად მიხვდები "რატომ?" თამაშის სამყარო ალოგიკურია, მოვლენები თავიდანვე ირეალური და უცნაური გვეჩვენება, მაგრამ ადრე თუ გვიან, მათ მოეძებნება ახსნა.. აი, ჯაიმსი მიდის ტყეში, ყურს უგდებს უცნაურ ბგერებს, რომლებიც ხეებიდან მოდის, ნისლი კი კისელივით სქელდება... მოთამაშე თავისდაუნებურად ფიქრობს: "რა დაკარგვია აქ, მობრუნდეს უკან!" . და შემდგომ დიალოგში ის ამბობს : "ჩემთვის სულერთია, საშიშია იქ თუ არა - მე იქ მელოდებიან" . საავადმყოფოს სახურავზე გდია დღიური. "რა სისულელეა?! - ფიქრობს მოთამაშე - და იგივე კომენტარს აკეთებს ჯეიმსი. მაგრამ, რაც ყველაზე მთავარია, ჯეიმსი ამ ისტორიის ერთადერთი გმირი არ აის. ყველა მოვლენა მხოლოდ მას არ ეხება. არამედ მოვლენები უბრალოდ მის ირგვლივ ვითარდება. ეს არის რამდენიმე ადამინის ისტორია. თითოელი მათგანი რაღაცას ბოლომდე არ მბობს, ვერ გებულობს, რა ხდება, მაგრამ უკან არ იხევს. ყველა მათგანი ამ ქალაქში რაღაც მნიშვნელოვანმა მიზეზმა მოიყვანა.. Angela ეძებს თავის ოჯახს, მისი მოტივები გაუგებარია, მაგრამ პირველი დიალოგიდანვე მას აწევს წარსულის აჩრდილი, ბავშვობის პრობლემები. Eddie ... ვინ არის ის? რატომაა აქ? და ეს პატარა გოგონა Laura... რატომ გარბის ის სულ? რატომ ამბობს, რომ მას არ უყვარს Mary? და კიდევ ეს იდუმალი Maria... რატომ ჰგავს ასე ძალიან მერის? იქნებ ის სწორედ მერია? ეს კითხვები აწვალებს ჯაიმსს, და ეს კითხვები აწვალებს მოთამაშესაც. ხდება ის, რომ მოთამაშე თითქმის მთლიანად აიგივებს თავს ჯეიმსთან. ეს კი აძლიერებს ატმოსფეროს ზეგავლენას...


>>>

მონსტრების ორიგინალობა უკვე ბევრმა აღნიშნა, აი კონკრეტული მაგალითი ის
მიათრევს უზარმაზარ ხმალს თავი კი ისეთი... უბრალოდ მშვენიერია


-ჩუმი Horror-ი

საშნელება და კონტრასტი - აი, რაზეა აგებული Silent Hill 2-ის თამაშის ატმოსფერო.
თამაშის ნახევარი მიმდინარეობს სიბნელეში, ნახევარი - ნისლიან ბურუსში. ნისლი... მოთამაშე მთლიანად გახვეულია ნისლში და იძულებულია მუდმივად იფიქროს: "ნეტა რა არის იქით, ქუჩის ბოლოში?". დაძაბულობა, ნერვიული მოლოდინი - აი, რა აშინებს მოთამაშეს. სხვათა შორის აქ ძალიან იშვიათად აშინებენ პირდაპირ. ასე ხედავენ თამაშის შემქმნელები შიშის გრძნობას - აკიხირო იმამურა, პროდუსერი ამბობს: "თუ რაღაც მომენტებით მოთამაშეს ვაგრძნობინებთ, რომ ახლომახლო რაღაცაა და შეიძლება რამე მოხდეს, ეს უფრო ძლიერი შიშის გრძნობას ბადებს, ვიდრე პირდაპირი დაშინება"
ხანდახან შიშის ადგილს იკავებს Horror-ი. საზიზღრი მონსტრები აწყობენ კოშმარულ ორგიებს, მკვლელობის სცენები გვაოგნებენ სისასტიკით.. ასეთი მომენტების შემდეგ გინდება სუფთა ჰაერზე გასვლა. და თანდათნობით ქალაქი Silent Hill ერწყმის ალტერნეტიულ, ფსიქოდელურ სამყაროს. კონტრასტი ძველ და ახალ ქალაქებს შორის იწვევს ძალიან უჩვეულო შეგრძნებებს...

-მდუმარებაც - ხმაა
სწორედ ამას იმეორებს ხშირად ხმის რეჟისორი და კომპოზიტორი იაკირა იამაოკა. მან შექმნა ფანტასტიური SoundTrack-ები, ძალიან მრავალფეროვანი, მოტივები გიტარისთვის, ატმოსფერული ხმაური, ვიოლინო, ფორტეპიანო - ყველაფერს ვერ ჩამოვთვლით. მელოდიები ერთმანეთს ენაცვლება ძალიან ოროგინალური ერთობლიობით. მაგრამ თამაშის უდიდეს ნაწილში გვიწევს ვისიამოვნოთ...სიჩუმით.. - ის გელაპარაკება, გეჩურჩულება, იჭერს თქვენს აზრებს და თქვენს შიშს... ვუსმენთ ნაბიჯების ხმას, კარის ჭრაჭუნს და აშიშინებული რადიოს ხმას, რომელიც გვამცნობს შემდეგი მონსტრის მოახლოებას იქითა სამყაროდან... Silent Hill 2-ში მუსიკა ისმის მხოლოდ გარკვეულ მომენტებში სიტუაციის ატმოსფეროს შესანარჩუნებლად და არასოდეს - ისე, უბრალოდ. მაგრამ ეს არ უშლის ხელს, დატკბეს მისი დამფასებელი.
რამდენიმე სიტყვა გრაფიკის შესახებ. მთლიანობაში პორტირებამ ჩაიარა წარმატებით. მთავარი გმირების მრავალპოლიგონური მოდელები, საუცხოო სკრიპტული სცენები, ნისლი, ჩრდილები "ასეთი რამ მხოლოდ შეიძლება 2002-2003-წლის რამდენიმე თამაშში იყოს" - ამ ყველაფერს არ დაუკარგავს თვისი მომხიბვლელობა და არაჩვეულებრივად გამოიყურება მონიტორის ეკრანზე. მხოლოდ ნისლი ორიგინალში PS2-ზე უფრო ლამაზი იყო. ხოლო ერთადერთი სერიოზული პრეტენზია შეიძლება გვქონდეს ტექსტურებთან. მათი უმეტესობა გადმოიხატეს მაღალი პარამეტრებით, მაგრამ გარკვეული ვარიანტები რატომღაც საერთოდ არ დაამუშავეს. და ხანდახან ეს თვალშისაცემია. საერთოდ კი - უდავოა, რომ ამ ინდუსტრიის მთელი ისტორიის მანძილზე ეს ერთ-ერთი ყველაზე წარმატებული პორტია. ეს ეხება თამაშის მართვასაც- კლავიატურით თამაში ძალიან მოუხერხებულია.


"I'm not your Mary"...

>>>

თამაში დამთავრებულია, ტრიალებს დისკი Silent Hill 2 Original Soundtrack, ვათვალიერებთ სარეკლამო რგოლებს, გონებაში კი დააბოტებს საკრამენტული "I'm not your Mary"... მოთამაშეზე ზემოქმედების უმაღლესი ხარისხი..
მაგრამ ჩემი აღფრთოვანებული შთაბეჭდილება არ ნიშნავს, რომ თამაშს არ აქვს ანკლი. მთავარი მისი ნაკლი არის გეიმპლეის დაუბალანსებლობა. ერთ წუთში მისდევ სიუჟეტს, ჭამის მერე კი აღმოჩნდები დიდი ქალაქის შუაგულში ისე, რომ არც იცი რა მიზანი გაქვს. მეორეს მხრივ, სწორედ ამითი იქმნება ატმოსფერო. იგივე ითქმის გამოცანებზეც - ისინი ნაწილობრივ არ შეესაბამება ლოგიკის კანონებს. მაგრამ თამაშის მთელი სამყაროც ხომ ასეთია... მოკლედ, ამ მომენტების მკაცრად გაკრიტიკება არ ღირს. შეიძლება გამოვხატოთ მხოლოდ პირადი დამოკიდებულება.

© Spawn
God made the priest – devil made the skomorokh

Walter
Posts: 14

Silent Hill 2

Unread post#2 » 31 Dec 2009 13:47

ნობელის პრემია გეკუთვნის შენ. საღოლ Spawn. თავიდან ბოლომდე წავიკითხე ორჯერ მართლა კარგად ჩანს SH2-ის ატმოსფერო. რაც მთავარია გარკვეულად და ქართულად ამის სიტყვებით გამოხატვა ძნელია.

Silent Hill 2-მა ძალიან დიდი როლი შეასრულა ჩემს ცხოვრებაში (რაოდენ გასაკვირიც არ უნდა იყოს)
ზოგჯერ ისეთ რაღაცეებს ვუფიქრდები რომ 3 საათი ვერ ვიძინებ ხოლმე. უკიდეგანო სიღრმის მომცველი თამაშია ადამიანის ფსიქოლოგიის ცვალებადობა. ზუსტად ისეთი შეუცნობელია Silent Hill როგორიც ადამიანი გონება. არავითარ შემთხვევაში Silent Hill არ არის ფანტასტიკა.
ამ თამაშმა მე თავიდან ბოლომდე შემძრა. მართლა ხელოვნების ნიმუშია. ეს არ არის უბრალოდ Epic Game უფრო მეტია ვიდრე ნაშრომი. საუკუნეების მანძილძე გაჩენილ კითხვებზე პასუხობს მაგრამ ისეთ კითხვეს ბადებს და პრობლემებს სვამს რომ შეიძლება საბოლოოდ გააფრინო. ასეთი რამის შექმნა ადამიანი ცნობიერებას თუ შეეძლო არ მეგონა.

Walter
Posts: 14

Silent Hill 2

Unread post#3 » 04 Jan 2010 23:28

ამ ჯოჯოხეთურ დროს ვიწერ და ვთამაშობ მე Silent Hill-ს

ჩემთვის მადლი ხარ თუ სასჯელი, ეს სულერთია,
მე მაინც გელი!... ლოდინი კი ჯოჯოხეთია.
© უილიამ შექსპირი.

User avatar
grigoli1970
Posts: 844

Silent Hill 2

Unread post#4 » 21 Mar 2010 16:03

ჯერ არ მითამაშია ეგ თამაში და ამ სტატიის მერე რო არ ვითამაშო გიჟი უნდა ვიყო :D
smothered in the crib

User avatar
Ripster
Posts: 1854

Silent Hill 2

Unread post#5 » 05 Jul 2010 12:19

წავიკითხე და Pyramid Headი დავხატე :D
პუჭურ პუჭურ ჩაიხაან
შენ ისეთი კაი ხარ
აიფხან თუ ჩაიფხან
გაიხარ და გაიხარ

ჩემო პუჭურ ჩაიხან

User avatar
grigoli1970
Posts: 844

Silent Hill 2

Unread post#6 » 25 Oct 2012 02:07

ამაზე მაგარი თამაში არ არსებობს იმენა, კიდე უნდა ჩავიწერო ძაან მომენატრა ეგ ატმოსფერო

<3 <3 <3
>>>
smothered in the crib

User avatar
Ripster
Posts: 1854

Re: Silent Hill 2

Unread post#7 » 24 Feb 2019 01:48

გუშინ სახლში ვიპოვე ძველი ნეტბუკი
პირველ კურსზე რომ ვიყავი მაშინ მაჩუქეს, უნივერსიტეტში გამოგადგებაო (:DDDDDD)
სტიკერები დავაკარი რეებიც მქონდა და ხვალ ვიყიდი კიდევ რომ დარჩენილი ადგილებიც შევავსო
აქ რატომ ვპოსტავ, პირველივე რაც გავაკეთე იყო საილენთ ჰილის კოლექციის ჩაწერა
მეორე და მეოთხე უკვე დესკტოპზეა
პირველივე სინემატიკმა, ჯეიმსი ლაპარაკს რომ იწყებს ტბის ფონზე და მუსიკა იწყება, ძვლები ამიძაგძაგა :)
რაღაც ტექნიკური პრობლემები მაქვს, შემდეგი სინემატიკები იჭედება და გათიშვა გიწევს, მაგრამ მოვუყომარებ მაგ ამბავს და მგონი ოცდამეათე გასეირნებას მოვიწყობ ნისლიან ქალაქში

Mary... could you really be in this town?
პუჭურ პუჭურ ჩაიხაან
შენ ისეთი კაი ხარ
აიფხან თუ ჩაიფხან
გაიხარ და გაიხარ

ჩემო პუჭურ ჩაიხან

Riddick
Posts: 11696

Re: Silent Hill 2

Unread post#8 » 05 Oct 2019 12:12

მეთითონ რო დავმჯდარიყავი და მეთამაშა არ ყოფილა ეგეთი რამე. სუ თემის ავტორს უყურებდი ხოლმე ბავშობაში და ბევრი რამე ვიცოდი, მარა ესე თავიდან ბოლომდე გუშინ დავხურე პირველად. ხასიათი მქონდა მთავარ პერსონაჟთან საკმაოდ მიახლოვებული (ცოლი არ დამიკარგია, ისე ზოგადად...) და იდეალურად მომერგო გარემო. საილენთ ჰილში რო კონფორტულად გრძნობ თავს ნორმალური არაა ალბათ, მარა მაგრა ატმოსფერულად გავატარე ეს ორი საღამო. ბევრი რამე საერთოდ არ მქონდა ნანახი, ქრონოლოგიაც არ ვიცოდი სწორად. მთელი ცხოვრება თუ მისტიფიცირებული იყო ეს თამაში ჩემთვის, ეხა უფრო რეალურად ვიგრძენი ყველაფერი.

ყველაზე მნიშვნელოვანი, ალბათ რაც ამ თამაშიდან მოდის, არი თანაგრძნობა. როცა უყურებ სხვის გაჭირვებას, მათი განცდების თანამონაწილე ხდები და უცებ ისე ხდება რო საკუთარ პრობლემებში აღარ გრძნობ მარტო თავს. თუ ყოველდღიურობაში ყველა თამაშობს და მალავს პირად ტრაგედიებს, აქ ყველაფერი ხილულია და "მოჩვენებაც არ გიწევს". ალბათ მაგიტო შეილება მოხდეს ისეთი საოცარი რამე, რო საილენთ ჰილში თავი კომფორტულად იგრძნო.

User avatar
SLaYeR
Posts: 6136

Re: Silent Hill 2

Unread post#9 » 06 Oct 2019 00:07

მე რაც პირველი ნაწილი ვითამაშე იმის მერე ძალიან ახლოს მოვიდა ეგ გარემო ჩემთვის, სულ კომფორტულად ვგრძნობ თავს მაგ ქალაქში ))))))
კომფორტს ჩემთვის უფრო ასეთი მომენტი განაპირობებს - როცა მანდ ვარ მხოლოდ პერსონაჟის როულფლეი არ მაქვს, მეც ვარ ხოლმე მაგ ქალაქში და მსიამოვნებს მარტოს მასე განწირული ყოფნა, წინააღმდეგობების გონებრივად გადაჭრა და მტრის დასარტყამი იარაღით დაჩეჩქვა (ცეცხლსასროლს მარტო ბოსებთან ვიყენებ), საშიშის და დამთრგუნველის წინააღმდეგ საკუთარი მონაცემებით გამკლავება მსიამოვნებს. სიუჟეტს რა თქმა უნდა განიცდი მარა ამავდროულად თუ ჩაუფიქრდები
ქალაქი გახედებს საკუთარ თავში და გიმზეურებს შინაგანს, რო ვიცოდე რო მსგავსი ადგილი არსებობს რეალურად, აუცილებლად წავიდოდი ერთხელ მაინც საკუთარი თავის გამოსაცდელად.
From the shards of tattered dreams I rose, unwilling. Tossed upon tides of pain that flowed and ebbed and left me searingly awake and more revoltingly... alive.

Riddick
Posts: 11696

Re: Silent Hill 2

Unread post#10 » 06 Oct 2019 11:05

შეგილია თებერვალში ხაშურში წახვიდე

პ.ს. ეხა ვფიქრობ მე ჯერ მესამეში წავიდე თუ პირველში

User avatar
SLaYeR
Posts: 6136

Re: Silent Hill 2

Unread post#11 » 06 Oct 2019 11:25

პირველი და მესამე გადააბი, ან მეოთხეში წადი.

ხაშურს არ აქვს ეგ ეფექტი :(
From the shards of tattered dreams I rose, unwilling. Tossed upon tides of pain that flowed and ebbed and left me searingly awake and more revoltingly... alive.

User avatar
Ripster
Posts: 1854

Re: Silent Hill 2

Unread post#12 » 07 Oct 2019 13:52

პირველი და მესამე თანმიმდევრობით :up:
საუნდტრეკები მიჟღერდება თავში რამდენჯერაც სადმე წავაწყდები ამას
პუჭურ პუჭურ ჩაიხაან
შენ ისეთი კაი ხარ
აიფხან თუ ჩაიფხან
გაიხარ და გაიხარ

ჩემო პუჭურ ჩაიხან

Return to “Products”



Who is online

Users browsing this forum: No registered users and 150 guests


cron