ახალი თავგადასავალი მთავარი პერსონაჟების კიდევ უფრო ახლოს გაცნობაში დაგვეხმარება. ჯადოქარი ამადეი კვლავ ცდილობს ცეცხლოვანი რგოლის მაგიის შესწავლას, მაგრამ ამაოდ. მას მხოლოდ ხის ყუთების შექმნა და მათი ჰაერში გადაადგილება გამოსდის. იგი ასევე სამი შვილის მამაა, რომლებმაც, მისგან განსხვავებით, იციან თუ როგორ უნდა ცეცხლოვანი გროლის სროლა.
რაინდი პანტი - სამეფოს უშიშარი გმირი, უბრალო ხალხის დამცველი, წესრიგის და კანონის მატარებელი. მას ფარხმალის და უზარმაზარი ჩაქუჩის მეშვეობით, ყველანაირი მოწინააღმდეგის დამარცხება შეუძლია გარდა ერთისა!... - გემრიელად და არომატულად შემწვარი საჭმელი, რომელზეც უარს ვერასდროს ამბობს, ხოლო მუცლის ზომა კი ამისგან უზარმაზარ ზომებს აღწევს.
ქურდი ზოია მოხერხებული კაუჭით ყველა სახურავზე აცოცდება. მას არ აწუხებს ღირსების და პატიოსნების საკითხები, მას მხოლოდ თავგადასავალი იზიდავს, რის გამოც ხშირად რთულ სიტუაციებში ვარდება. მეორე ნაწილის გმირები, ახალ შესაძლებლობებსაც მიიღებენ, რომლებიც თამაშის პროცეს კიდევ უფრო მდიდარს და საინტერესოს გახდიან. თამაშის დახურვა, პირველი ნაწილის მსგავსად, კოოპერატიულ რეჟიმში იქნება შესაძლებელი. წარმოდგენილი სიძნელეები, ყველა დონის მოთამაშეს მოთხოვნებს დააკმაყოფილებს, ხოლო თამაშის შესანიშნავ გრაფიკას 19 კომპოზიციისგან შემდგარი საუნდტრეკი დაამშვენებს. ქვევით მოცემულ ვიდეოში, კიდევ ერთხელ შეგიძლიათ დარწმუნდეთ თამაშის შესანიშნავ ატმოსფეროა და სილამაზეში - 720p:
>>>