დავხურე და NG+ ზე წავედი, რაც გახსნილი მქონდა ყველაფერი გადამყვა და დამატებითი ability იხსნება რითიც დარჩენილი ანტიკუბების მოგროვებააა შესაძლებელი.
მშვენიერი ფაზლები იყო, საკმაოდ ადვილი მარა მისახვედრად ცოტა ფიქრს მოითხოვდა, 1-2 დღეში მოვრჩი თითქმის და ცოტა რაღაცეები დამრჩა რასაც ნელნელა მივყვები. უმეტესად პრინციპის დამუღამებაზე იყო. ასევე იყო ძალიან ინოვაციური ფაზლებიც, მაგალითად ყურსასმენის რომელ მხარესაც გაიგებ ხმას იმ მხარეს უნდა დაატრიალო კამერა, საბოლოო ჯამში კი კოდები დგება ყველაფრისგან. ერთი ორი ფაზლი ინტერნეტში ვნახე, არა იმიტო რო რთული იყო, უბრალოდ ვერ მივხვდი რა უნდა მექნა. მაგალითად ერთი ფაზლი იყო ასეთი: ტელესკოპით რო გაიხედები ორი წერტილი ციმციმებს, ეს თურმე binary კოდია მარა მე ბლოკნოტში ვინიშნავდი და მეგონა "მარცხენა-მარჯვენა" ადვილი პრინციპით იყო, ბოლოს ზედმეტად დავაჭირე ღილაკს და გამოვიდა, ანუ შემთხვევით. ეს ისეთი სტილის თამაშია როცა გამოვიდა ხალხი მაშინ ჩაუჯდა და ხშირად რთულ ფაზლებზე მთელი ჯგუფები მუშაობდნენ ერთად, ასე დაგვიანებით როცა თამაშობ და ამოხსნილია უმთავრესი ფაზლები უბრალოდ წახვალ და ნახავ, ვიდრე ის რო exe ფაილი გატეხო და კოდბეი ამოიკითხო, ან დადგე და ახლიდან ანბანი შიფრო. სიამოვნებით ვითამაშებდი ამაზე რთულსაც ახალი გამოსული რო იყოს და მთელი community ერთად ვიკვლევდეთ, ან რამდენიმე კაცი მაინც.
რაც შეეხება თითონ თამაშს ეს არის ძალიან მაღალი დონის ნამუშევარი, თითოეულ ასპექტში ეტყობა წვალება და თავდადება. ამ ოთხი რაკურსის იდეა, იმის გარდა რო ვიზუალურად მრავალფეროვანია და ერთი ლოკაციის ოთხ ლამაზ სქრინშოტს იძლევა, ასევე ღრმად არის დაკავშირებული სთორისთანაც და გეიმფლეისთანაც. ძალიან ბევრი ინტელექტუალური შტრიხია თამაშში ჩადებული, რაც ავტორის გონებრივ განვითარებაზე მიუთითებს, უბრალოდ ფიქრდები რატო აირჩია მაინცდამაინც ასეთი სტილის თამაში ამ კონკრეტულმა პიროვნებამ, რისი თქმა უნდოდა ამით, რა ხედვა ქონდა. ერთი სიტყვით თამაში სცდება თამაშის საზღვრებს. სთორი ერთი შეხედვით თითქოს არაფერია მარა რაღაც რელიგიურ დონემდეა თითქოს აყვანილი სამყარო და მომხდარი მოვლენები, თითქოს სამყაროს სიმულაციაა და არც არის სიმულაცია, ბევრი შეიძლება იფიქრო სიმბოლურ დატვირთვებზე. არსებობდნენ წინაპრები, არის ცივილიზაცია რომელიც ძველ ანბანს იყენებს, ზოგადად დიდი აქცენტია კოსმოსზე, შეინიშნება ელემენტები იუდაისტური სწავლებებიდან. შთაგონება ჩანს 2001 Space Odyssey-დან - მაგალითად ენდინგის კადრები, ანდაც შავი მონოლითი, Twin Peaks-იდან - ბუები.
როგორც ვარაუდობენ თამაშის საბოლო ფაზლი ჯერჯერობით დღემდე გაუშიფრავია, შავი მონოლითის გახსნისთვის bruteforce გამოიყენეს და სადღაც 1300 კოდის შეყვანის შემდეგ გამოვიდა, სამი Heart Cube-ის ფაზლისთვის თამაშის exe ფაილი დაშალეს და ორი კოდი ამოიღეს, მაგრამ რამდენად სწორია არავინ იცის. თამაშის საუნდტრეკებში ჩადებულია სურათები რომელიც რაღაცას უნდა ნიშნავდეს, თამაშში ერთერთ კედელზე მოცემულ რუკას, ჰექსაჰედრონის სიმბოლოებს, ჰაიკუებს და არტეფაქტებს შესაძლოა ამასთან კავშირი ქონდეს, მაგრამ სად იკვრება ეს ყველაფერი ჯერჯერობით უცნობია.
>>>
From the shards of tattered dreams I rose, unwilling. Tossed upon tides of pain that flowed and ebbed and left me searingly awake and more revoltingly... alive.